У Віцебску страйкуюць прадпрымальнікі
Віцебскія прадпрымальнікі страйкуюць, бо ў іх праблемы з выкананнем тэхнічнага рэгламенту, паводле якога з 1 ліпеня ім пагражае канфіскацыя рэшткаў тавару, які не суправаджаецца адпаведнымі дакументамі, што пацвярджаюць якасць.
«Сёння адбылося папераджальнае спыненне працы на адзін дзень з мэтаю прыцягнуць увагу да нашай праблемы», — кажа старшыня арганізацыйнай групы па стварэнні прафсаюзу прадпрымальнікаў «Разам» Ірына Яскевіч.
На вулічным кірмашы «Полацкі» не выйшлі на працу 30 % прадпрымальнікаў. На крытым кірмашы «Эвіком» больш за 90 %
кропак страйкуюць.
На кірмашы «Смаленскі» працуе толькі 5 % прадпрымальнікаў. Некаторыя гандляры прыйшлі да месцаў працы, але не адчыняюць ралеты на сваіх
гандлёвых кропак.
Страйк падтрымалі гандляры з Лепеля, там цалкам не працуе рынак.
