Украіна ўводзіць пошліну на тэхніку «МАЗа» ў памеры 35%

Як паведамляе ўкраінская міжведамасная камісія па міжнародным гандлі, Беларусь стварыла штучныя бар'еры ў дачыненні да імпартаваных з Украіны колавых транспартных сродкаў у выглядзе ўтылізацыйнага збору і няроўных умоў удзелу ў дзяржзакупках, у выніку чаго абцяжарваецца доступ прадукцыі ўкраінскіх прадпрыемстваў на беларускі рынак.


Такія дзеянні Беларусі супярэчаць дамове аб зоне свабоднага гандлю і лічацца дыскрымінацыйнымі і недружалюбнымі, піша АФН.

У гэтай сувязі Украіна ўводзіць пошліну ў памеры 35% ад мытнага кошту на грузавікі, аўтобусы і спецтэхніку беларускай вытворчасці.

Рашэнне ўступіць у сілу праз 10 дзён.

Нагадаем, раней мэр Львова Андрэй Садовы адмовіўся закупляць аўтобусы «МАЗ». Ён патлумачыў гэта як палітычнымі прычынамі, так і падтрымкай айчыннага вытворцы.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: