Адвакатка ўпершыню трапіла да Аўтуховіча, ён цяжка перанёс каронавірус

Сёння ўпершыню за месяц зняволення адвакатка змагла ўбачыць Мікалая Аўтуховіча, паведаміў праваабаронца Васіль Завадскі.

Мікола Аўтуховіч цяжка перанёс каронавірус, яго вывозілі на стацыянарнае лячэнне ў шпіталь. ШВЛ не было, але быў на кіслародзе.
Зараз адчувае моцную слабасць, дыхавіцу пры нагрузцы.
Па-ранейшаму не мае самых патрэбных рэчаў, адзення, сродкаў гігіены, лекаў. Але Васіль Завадскі спадзяецца, што ўсё гэта нарэшце прымуць у перадачах або пасылках.
Заўтра, у праваслаўнае Раство, ў Мікалая Аўтуховіча Дзень нараджэння. Пісаць яму можна на адрас: 220050 г.Мінск, Галоўпаштамт, а/с 8. Аўтуховічу Мікалаю Мікалаевічу.