Больш за 20 чалавек затрымалі па справе «Чорнай кнігі Беларусі»

Па справе "Чорнай кнігі Беларусі" затрымалі больш за 20 чалавек, у тым ліку дзяржслужачых і былых сілавікоў.

Следчы камітэт Беларусі заявіў пра затрыманне больш за 20 чалавек па справе "Чорнай кнігі Беларусі". Сілавікі сцвярджаюць, што сярод затрыманых — дзяржслужачыя і былыя сілавікі.

«На сённяшні дзень "група тэхнічнай падтрымкі" злачыннай супольнасці налічвае дзясяткі чалавек. Сярод іх выяўленыя работнікі дзяржорганаў, былыя праваахоўнікі і асобы, якія мелі доступ да асабістых звестак беларусаў», — заявілі ў Следчым камітэце.

Следчыя кажуць, што яны прааналізавалі ўсе носьбіты інфармацыі асуджанай на шэсць гадоў Соф'і Сапега, якая паводле версіі следства, адміністравала тэлеграм-канал "Чорная кніга Беларусі", дзе публікавалі асабістыя звесткі беларускіх сілавікоў.

Тых удзельнікаў "Чорнай кнігі Беларусі", хто знаходзіўся ў Беларусі затрымалі і кажуць, што пазней ім прад'явілі абвінавачванні.

Нагадаем, Сафію Сапега затрымалі 23 траўня мінулага года разам з Раманам Пратасевічам у мінскім аэрапорце пасля таго, як улады Беларусі пасадзілі самалёт авіякампаніі Ryanair, які ляцеў з Афін у Вільню. Сафію прысудзілі да 6 гадоў зняволення



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: