Былога палітвязня Ігара Банцэра зноў будуць судзіць

На гэты раз — за камунальныя паслугі, якія ён мусіў заплаціць, калі знаходзіўся на «хіміі». Пра гэта паведамляюць праваабаронцы.

Запазычанасць склала 81.66 рублі плюс пошліна ў 64 рублі.

Ігар Банцэр плаціць не хоча, бо са 130 дзён ён правёў 82 дні ў ШІЗА.

Раней Ігар Банцэр быў асуджаны на паўтара года абмежавання волі па абвінавачванні ў хуліганстве.