Дзень палітвязняў Беларусі: да якіх мерапрыемстваў можна далучыцца?

Грамадства

21 траўня — Дзень салідарнасці з палітзняволенымі Беларусі. У гэты дзень два гады таму ў шклоўскай калоніі №17 памёр палітвязень Вітольд Ашурак. Мерапрыемствы да Дня салідарнасці з палітзняволенымі Беларусі пройдуць у розных краінах і гарадах.

2018_03_27_07.03.55_1_logo_1_logo_1_1.jpg


Да якіх мерапрыемстваў можна далучыцца?

Усе мерапрыемствы праводзяцца па мясцовым часе тых краін, дзе яны адбудуцца.

19 траўня (пятніца)

  • Вільня (Літва), 15:00 – 17:00. Падпісанне паштовак і лістоў для палітзняволеных у Беларусі. Месца: Create Culture Space, Karmelitų g. 5.
  • Сан-Францыска (ЗША), 19:00. Выказванне салідарнасці з беларусамі за кратамі — падпісанне лiстоў і паштовак палітвязням. Месца і час можна даведацца праз суполку.
  • анлайн, 19:00 (па Маскве). Amnesty International прапануе сустрэцца напярэдадні Дня палітвязня, пагаварыць пра сітуацыю з палітвязнямі ў Беларусі, а таксама даведацца, як мы можам падтрымаць тых, хто знаходзіцца ў зняволенні. Спікеркі: Наталля Сацункевіч (праваабаронца «Вясны»), Дзіяна Пінчук (праваабаронца і журналістка «Вясны»). Для ўдзелу неабходна рэгістрацыя.
  • Гамбург, Германія, 19:00 – 20:30. Чытанне «Зэкамерона» Максіма Знака нямецкім акцёрам Янам Уплегерам і панэльная дыскусія з гісторыкам Аляксандрам Фрыдманам і юрысткай Людмілай Казак. Месца правядзення: Staats- und Universitätsbibliothek Hamburg, Von-Melle-Park 3.

20 траўня (субота)

  • Варшава (Польшча), 18:30. Вечар памяці Вітольда Ашурка. На сустрэчы будуць гаварыць пра Вітольда, якім яго памятаюць сябры і сваякі, пра прынцыпы ягонага жыцця. Таксама гасцей чакае музычная частка. Месца: Беларускі Дом у Варшаве (ul. Kryniczna 6);
  • Брэмен (Германія). 10:00 – 13:00. Беларусы Брэмена з «Razam Bremen» сумесна з актывістамі Salidarnast збяруцца разам, каб напярэдадні Дня палітзняволеных зрабіць паштоўкі і напісаць лісты палітзняволеным і падтрымаць іх. Месца можна даведацца праз суполку, а таксама праз кантакт: salidarnast@gmail.com.
  • Рым (Італія). 10:00 – 12:00. Каля замка Святога Анёла (Castello - lato Largo Mutilati e invalidi di Guerra).
  • Дэтройт (ЗША), 14:00. Сустрэча адбудзецца ў Bridgeport township. Падрабязнасці па спасылцы.

21 траўня (нядзеля)

  • Вільня (Літва), 11:00. Каля мурала палітзняволенаму лаўрэату Нобелеўскай прэміі міру Алесю Бяляцкаму адбудзецца акцыя «АСОБ(Н)А»: чытанне імёнаў палітзняволеных. Удзел у мерапрыемстве возьмуць прадстаўнікі амбасад з розных краін.
  • Вільня (Літва), 12:00. Акцыя ў падтрымку палітзняволеных. Месца: Кафедральная плошча (Katedros aikštė). «Мы заклікаем стаць голасам палітзняволеных — прыйсці на акцыю на Кафедральнай плошчы; прынесці плакаты, сцягі, пачуць голасы людзей, якія сядзяць ці выйшлі з-за кратаў; зрабіць данат альбо дапамагчы справай іх сем’ям. Сімвал гэтага дня — жоўтая «экстрэмісцкая» бірка, якой пазначаюць палітзняволеных у калоніях», — пішуць арганізатары.
  • Варшава (Польшча), 12:45 – 14:00, пляц Канстытуцыі 6, Мітынг да Дня беларускіх палітвязняў. Пасля мітынгу адбудзецца шэсце ад Плошчы Канстытуцыі да Кракаўскага прадмесця, дзе працягнуцца мерапрыемствы.
  • Варшава (Польшча), 14:30 – 16:00. Плошча Каперніка. Мітынг і ланцуг салідарнасці з суайчыннікамі, якія цяпер за кратамі паводле палітычных матываў. Арганізатары акцыі падтрымкі — група былых палітвязняў. Пры падтрымцы Нацыянальнага антыкрызіснага ўпраўлення, Музея Свабоднай Беларусі, Ветэранаў «Палка Каліноўскага», Ініцыятывы BY_POL, Асацыяцыі беларускіх бізнесоўцаў «ABBA».
  • Варшава (Польшча), 17:00 – 19:00. Праваабаронцы «Вясны», польскага «Мемарыяла» і ініцыятывы «Палітвязынка» пры падтрымцы Майстэрні паштовак салідарнасці зладзяць сустрэчу па падпісанні лістоў палітвязням. Месца: прастора «Пад жырандоляй» (ul. Hoża, 41, lok. 2). Падрабязнасці па спасылцы.
  • Нью-Ёрк (ЗША), 13:00. У Цэнтральным парку ў фармаце пікніка пройдзе сустрэча беларусаў Нью-Ёрка і ваколіц у падтрымку беларускіх палітвязняў і ўшанаванне памяці Вітольда Ашурка. Мерапрыемства арганізавана для знаёмства аднадумцаў, каму неабыякавы лёс нашых землякоў за кратамі. Плануецца падпісанне лістоў і паштовак салідарнасці пры падтрымцы ініцыятывы Майстэрня паштовак салідарнасці. Падрабязнасці на старонцы ў інстаграм, а таксама фэйсбук.
  • Беласток (Польшча), 15:00. Акцыя з нагоды міжнароднага дня палітвязняў і дня смерці Вітольда Ашурка. Месца: ul. Elektryczna, 9, каля кансулята Рэспублікі Беларусь.
  • Кракаў (Польшча), 14.00. Месца: каля помніка Адаму Міцкевічу на Рынку. «Час праявіць сваю салідарнасць з тымі, хто апынуўся за кратамі рэжыму. Прыходзьце, каб разам узгадаць іх гісторыі, даведацца, як можна дапамагчы, запатрабаваць іх вызвалення. З сабой прыносьце плакаты, для жадаючых будзе працаваць вольны мікрафон», — пішуць арганізатары.
  • Лондан (Вялікабрытанія), 12:30 – 14:00. «Далучайцеся да нашай акцыі салідарнасці з палітычнымі вязнямі Беларусі. Пакуль усе палітычныя вязні не будуць свабодныя!», —пішуць арганізатары. Месца: Parliament Square.
  • Познань (Польшча), 14:30. Месца: Fredry, 5, Klubokowiania MY. Размова з Дар'яй Рублеўскай, праваабаронцай і заснавальніцай Майстэрні паштовак салідарнасці. Напісанне лістоў і падпісанне паштовак палітзняволеным Беларусі. Падрабязнасці па спасылцы.
  • Познань (Польшча), 17:00. Месца: plac Wolności, Poznań.
  • Брусель (Бельгія), 15:00 – 16:00. Акцыя салідарнасці. Месца: Europakruispunt (Central Station).
  • Брусель (Бельгія), 17:30 – 19:30. «Мемарыял» ладзіць вечар лістоў палітвязням Беларусі і Расіі. Адрас: Rue de l'Epée 2, Bruxelles L'Ascenseur, café associatif et radio.
  • Штутгарт (Германія), 14:00. Месца: Wilhelmsplatz. «Пагаворым пра сіндром апушчаных рук і тое, як не падаць духам, пачуем нашы любімыя песні ў выкананні BelaSol і новыя, ад гасцей з Мінска «Знак Стоп», паслухаем гісторыю ад адваката, які бараніў палітычных абвінавачаных», — пішуць арганізатары.
  • Батумі (Грузія), можна напісаць лісты палітвязням: цягам дня з 12:00 да 19:00 у краме нацыянальнай сімволікі па адрасе: вул. 26 мая 41, а таксама з 14:00 да 20:00 у беларускім Медыя Хабе (вул. Парнаваз Мэпэ, 67).
  • Уроцлаў (Польшча), 17:00, Рынак ля фантана. Падрабязнасці па спасылцы.
  • Парыж (Францыя), 16:00, Плошча Бастыліі. Падрабязнасці па спасылцы.
  • Чыкага (ЗША), 13:00, Intersection of Michigan Ave. & Washington St. Спасылка на сустрэчу.
  • Філадэльфія (ЗША), 12:00, Philadelphia Museum of Art, Спасылка на сустрэчу.