Гарбачоў: сілавыя меры магчымыя, калі з тэрарызмам нельга змагацца палітычна

Тэрарызм нельга выкарыстоўваць для вырашэння праблем, і калі пагрозу тэрарызму не атрымліваецца ліквідаваць палітычнымі метадамі, то магчыма прымяненне сілавых мер, заявіў першы прэзідэнт СССР Міхаіл Гарбачоў, перадае www.gazeta.ru



hliedacy_na_stadyjonie_stad_de_frans.jpg

Гледачы пасля тэрарыстычнай атакі на стадыёне «Стад дэ Франс». Фота AP

«Ніяк апраўдаць тэрарызм нельга, тэрарызм — не рашэнне праблем, гэта павінны ведаць. І калі палітычна не атрымалася штосьці, дык трэба ісці на тое, каб спыніць, ужыўшы сілу», — сказаў Гарбачоў.

Паводле яго слоў, меры сілавога характару — гэта крайнія меры.

«Самае галоўнае — трэба не дапускаць таго, каб разрасталіся нейкія рэчы, якія спараджаюць вось гэта», — адзначыў ён, каментуючы атакі тэрарыстаў у некалькіх раёнах Парыжа.

Паводле афіцыйных дадзеных, у Парыжы ў выніку серыі тэрактаў загінулі каля 150 чалавек. Паліцыя Парыжа мае дадзеныя пра восем загінуўшых тэрарыстаў. Сем з іх выкарысталі паясы смяротнікаў.