Камерцыйнаму дырэктару сеткі кінатэатраў Silver Screen Аляксандру Дземідовічу прысудзілі «хімію»

Зараз палітвязень знаходзіцца на волі, аб чым распавёў на сваёй старонцы ў фэйсбуку.

«Самы час рабіць значок "Хочаш скінуць 8 кг — спытай мяне, як". Зноў у страі. Поўны ідэй і разважанняў. Спрабую аднавіцца і з нястомным пачуццём геданіста атрымліваю асалоду ад кожнага дня, апошніх дзён лета і сустрэч з сябрамі», — напісаў Аляксандр Дземідовіч.

Як ён распавёў «Медыяз*не», яго прысудзілі да 2,5 гадоў «хіміі» за грубае парушэнне парадку. На волю ён выйшаў пасля вынясення прысуду 22 жніўня. Цяпер чакае накіравання ў папраўчую ўстанову адкрытыга тыпу.

Топ-менеджара затрымалі на працоўным месцы 25 траўня і адправілі на 15 дзён арышту. Пазней у дачыненні да яго распачалі крымінальную справу паводле артыкула 342 КК («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»).