Кантралёры ў наземным транспарце Мінска будуць працаваць з 5-й раніцы

У Мінску кантралёры наземнага транспарту будуць пачынаць сваю працу а пятай раніцы. Пра такія навіны паведаміў падчас наўпроставай лініі генеральны дырэктар прадпрыемства «Мінсктранс» Лявонцій Папянок. 

Гэта чарговая мера, скіраваная на скарачэнне колькасці «зайцоў». Раней рэвізоры выходзілі на працу пазней, таму безбілетнікі мелі шанец праехаць бясплатна ў першым тралейбусе.
За 11 месяцаў 2017 года «зайцы» заплацілі штрафаў болей як на 900 тысяч рублёў, а гэта ў 5,4 раза болей, чым за аналагічны перыяд мінулага года. Колькасць аштрафаваных пасажыраў за студзень-лістапад таксама ўзрасло ў 4,8 раза — гэта звязваюць з увядзеннем відэарэгістратараў і адменай форменых камізэлек.
Паводле Еўрарадыё