Ксяндза са Стоўпцаў асудзілі да штрафу

Святара Ігара Лашука асудзілі да штрафу ў 960 рублёў за распаўсюд «экстрэмізму». І забралі тэлефон на карысць дзяржавы.

Сёння, 28 красавіка, ксяндза Ігара Лашука ўсё ж судзілі за распаўсюд «экстрэмізму». Святара пакаралі штрафам 960 рублёў.

Пра гэта сам святар распавёў на сваёй старонцы ў  фэйсбуку:

«Адбыўся суд, прысудзілі 960 рублёў і забралі тэлефон як "зброю злачынства". Я і не ведаў, што па "зброяй" хадзіў. Канешне шкада некаторай інфармацыі, кантакты, фота, больш нічога. Я малюся, за ўсіх, кожную Імшу, што горш пацярпелі».