Мінздароўя прапанавала Саўміну адмяніць забарону на выезд з Беларусі наземным транспартам — «Office Life»

Як паведамляе тэлеграм-канал выдання, Міністэрства аховы здароўя Беларусі падрыхтавала змены ў пастанову №705 ад 7 снежня 2020 года, якая ўсталёўвае кавідныя абмежаванні на ўезд і выезд з Беларусі. 

Праект дакумента ўжо прайшоў юрыдычную экспертызу і перадаецца на разгляд у Савет міністраў. Пра гэта карэспандэнту «Office Life» паведаміла інфармаваная крыніца ў дзяржорганах.
Паводле яе слоў, з высокай ступенню верагоднасці яшчэ да канца чэрвеня Беларусь адменіць патрабаванне аб 10-дзённай самаізаляцыі замежнікаў па прыбыцці ў Беларусь, калі чалавек вакцынаваны ад каронавіруса. Прычым гэта тычыцца любых вакцын, нейкага спецыяльнага пераліку не будзе.
Таксама Міністэрства аховы здароўя прапанавала ўраду адмяніць забарону на выезд з Беларусі грамадзян краіны наземным транспартам. Гэта будзе тычыцца не толькі вакцынаваных людзей, а ўсіх.