На «Фауне горада» занадта шмат ежы, але посуд і подсцілкі заўсёды патрэбныя

Дырэктар прадпрыемства Тамара Царыкоўская патлумачыла, чаму на «Фауне горада» не прымаюць корм для жывёл ад насельніцтва, а таксама ў чым жывёлы маюць патрэбу.

Па словах Тамары Царыкоўскай, кармоў у лішку: склад запоўнены. Як толькі запасы стануць скарачацца, прыём прадуктаў харчавання ад жыхароў адновяць. Інфармацыя з'явіцца на сайце прадпрыемства ў раздзеле «Ваша дапамога», паведамляе «Мінск-Навіны».
Увага! Не трэба прывозіць жывёлам пратэрмінаваную ежу, напрыклад, каўбасныя і мясныя вырабы. Такія прадукты не прымаюць — яны могуць дрэнна адбіцца на здароўе сабак і катоў.
Тамара Царыкоўская просіць аказваць сапраўдную дапамога: замест старой ніжняй бялізны і абутку, а таксама старых матрацаў, лепш прывозіць коўдры і старую верхнюю вопратку.
«Фауна горада» з радасцю гатовая прыняць міскі для ежы як для сабак, так і для котак. Такому посуду заўсёды знойдзецца скарыстанне, паколькі жывёлы даволі хутка прыводзяць яго ў непрыдатнасць. Не адмовяцца на прадпрыемстве ад туалетных латкоў для братоў нашых меншых, газет і часопісаў у якасці подсцілу.
Актуальныя ў перыяды пахаладання і камбінезоны, у тым ліку тыя, што былі ва ўжыванні, для сабак, якія знаходзяцца ў вальерах на вуліцы. Але кіраўнік «Фауны горада» звяртае ўвагу: перш чым прывозіць прадметы гардэроба для чатырохногіх, варта падумаць, ці ўдасца надзець іх на жывёл.
Самай запатрабаванай дапамогай для прадпрыемства заўсёды застаюцца клапатлівыя рукі новых гаспадароў для сабак і катоў.
Зараз у клетках і вальерах пункта часовага ўтрымання адлоўленых безнаглядных жывёл і жывёл, здадзеных насельніцтвам, налічваецца каля 40 катоў і каля 80 сабак. Падарыць ім новае, больш шчаслівае жыццё чалавек можа цалкам бясплатна.
Дарэчы, 1 лютага ў 14.00 па адрасе Гурскага, 42 у Мінску адбудзецца сустрэча з кіраўніцтвам прадпрыемства «Фауна горада». Мэта сустрэчы — пачатак дыялогу па змяненні сітуацыі ў працы прадпрыемства «Фауна горада» ў бок цывілізаваных метадаў адлову, часовага ўтрымання і эўтаназіі безнаглядных жывёл Мінска.
Фармат сустрэчы — адкрыты. Зоаабаронцы запрашаюць да ўдзелу ўсіх, хто ўпэўнены:  справы ў сферы адлову і часовага ўтрымання безнаглядных жывёл патрабуюць пераменаў.
Паводле Зялёнага парталу