Палітзняволеная Сафія Малашэвіч цалкам адбыла тэрмін і выйшла на волю

Сёння дзяўчына была вызвалена з ПК-4 у Гомелі пасля сканчэння тэрміну зняволення, паведамляе ініцыятыва D*ssidentBY.


Сафію Малашэвіч затрымалі 6 верасня 2020 года на акцыі пратэсту «Марш адзінства», падчас якой яна балончыкам з фарбай малявала на паверхні шчытоў спецыяльных сродкаў загароджы. Ёй прад'явілі абвінавачванне адразу па трох артыкулах Крымінальнага кодэкса: ч.1 арт.368, ч.1 арт. 342, ч.1 арт. 339. Суд пакараў яе 2 гадамі калоніі.

Разам з Сафіяй судзілі яе хлопца, Ціхана Клюкача, які ўжо таксама выйшаў на волі і зараз зараз знаходзіцца ў складзе беларускага добраахвотніцкага батальёна «Пагоня». Ціхана асудзілі на 1,5 года калоніі.

У апошнім слове ў судзе Сафія прасіла не караць хлопца: «Клянуся, Ціхан не заслугоўвае такога пакарання!».


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: