Палітзняволены Мікалай Казлоў адбыў свой тэрмін і выйшаў на волю

Праваабаронцы паведамляюць, што палітвязень Мікалай Казлоў выйшаў на волю пасля адбыцця тэрміну.

Мікалай Казлоў — старшыня Аб'яднанай грамадзянскай партыі, быў асуджаны на тры месяцы арышту па ч. 1 арт. 407 Крымінальнага кодэкса за «разгалошванне даных» па крымінальнай справе супраць Каардынацыйнай рады.
Раней Казлоў некалькі разоў адмаўляўся даваць падпіску аб неразгалошванні пасля допытаў у СК — за гэта яго ўжо прыцягвалі да адміністрацыйнай адказнасці.
Казлоў быў прызнаны праваабаронцамі палітвязнем.