Лідара АГП асудзілі да трох месяцаў арышту

Лідара АГП Мікалая Казлова асудзілі да трох месяцаў арышту за разгалошванне даных следства па справе Каардынацыйнай рады

Мікалая Казлова прызналі вінаватым паводле ч. 1 арт. 407 Крымінальнага кодэкса за разгалошванне даных па крымінальнай справе супраць Каардынацыйнай рады, але канкрэтныя эпізоды абвінавачвання невядомыя, бо суд праходзіў у закрытым рэжыме, паведамляюць праваабаронцы.

Раней Казлоў некалькі разоў адмаўляўся даваць падпіску аб неразгалошванні пасля допытаў у СК па крымінальнай справе супраць Каардынацыйнай рады. За гэта яго ўжо прыцягвалі да адміністрацыйнай адказнасці.

Суддзя Таццяна Шоцік прызначыла палітыку максімальна строгае пакаранне па гэтым крымінальным артыкуле.