Пікеты ў Віцебску зноў забароненыя

Намеснік кіраўніка Адміністрацыі Чыгуначнага раёну Віцебску Натальля Ляпёшкіна забараніла праваабаронцу Паўлу Левінаву правядзенне двух пікетаў.

Традыцыйна праваабаронца заяўляе масавыя мерапрыемствы ў Віцебску на 10 снежня, паведамляе "Віцебская вясна", бо ў гэты дзень 68 гадоў таму была абвешчаная Усеагульная дэкларацыя правоў чалавека. Дэкларацыя была прынятая Генеральнай асамблей ААН – міжнароднай арганізацыяй, адным з прыярытэтных накірункаў дзейнасьі якой з'яўляецца прасоўванне ідэяў правоў і свабод чалавека.
Аднак віцебскія чыноўнікі вось ужо сем гадоў запар забараняюць праваабаронцу Левінаву ладзіць гэткія публічныя акцыі.
«Асноўнай мэтай пікетаў, што не адбыліся, было памагчы дзяржаўным інстытуцыям ва ўмацаванні і развіцці правоў чалавека, прапаганды дакументаў у падтрымку правоў і публічнага выказвання свайго меркавання па праблеме парушэння правоў чалавека», — бядуе праваабаронца, што масавыя мерапрыемствы былі забароненыя.
Але ён не збіраецца здавацца і будзе рашуча дамагацца ад уладаў змены іх стаўлення да імкнення грамадзян рэалізоўваць сваё канстытуцыйнае права на правядзенне масавых мерапрыемстваў у Віцебску.