Санэпідслужба Мінска заклікае жыхароў трох раёнаў пакуль не піць водаправодную ваду

Жыхароў трох раёнаў, якія ўчора пацярпелі ад адключэння вады, Санэпідслужба просіць пакуль не піць водаправодную ваду.

Пасля ўчарашняй аварыі на водаправодзе ў Чыжоўцы, з-за якой праблемы з водазабеспячэннем паўсталі ў Кастрычніцкім, Ленінскім і Заводскім раёнах, спецыялісты Мінскага гарадскога цэнтра гігіены і эпідэміялогіі сумесна з «Мінскводаканалам» ажыццяўляюць лабараторны кантроль якасці вады ў раёнах, інфармуе Telegram-канал «Мінск. Афіцыйна».

— Да атрымання вынікаў даследаванняў рэкамендуем выкарыстоўваць ў пітных мэтах бутыляваную прывазную ваду, — адзначыла галоўны дзяржаўны санітарны ўрач сталіцы Святлана Ярмак.

Паводле minsknews.by