Сябра БСДП Іван Сауцін вызвалены з Калінінградскай турмы. Расійскі суд не выдаў яго Беларусі

Іван Сауцін выйшаў на свабоду 26 красавіка. Ён правёў у няволі 12 месяцаў, паведамляе ТГ-канал партыі.

Год таму сябра БСДП быў затрыманы па запыце беларускіх праваахоўнікаў. Яго вінавацілі па чатырох артыкулах крымінальнага кодэкса, у тым ліку ў тэрарызме. Тры з чатырох артыкулаў былі зняты ў выніку праверкі фактаў расійскім бокам.

На дадзены момант Іван Сауцін знаходзіцца ў Калінінградзе пад падпіскай аб нявыездзе. Абвінавачанні па чацвёртаму артыкулу, «Махлярства», яму дагэтуль не выстаўленыя.

Са словаў Івана яму вельмі дапамог зварот у Еўрапейскі суд па правах чалавека, да яго прыслухаліся ў Расіі.