Суд над Ягорам Марціновічам і Андрэем Скурко пачнецца 28 лютага

Стала вядомая дата, калі пачнецца суд над галоўным рэдактарам «Нашай Нівы» Ягорам Марціновічам і начальнікам аддзела маркетынгу Андрэем Скурко.


Справу будуць разглядаць з 28 лютага ў судзе Заводскага раёна Мінска, суддзя — Анжэла Касцюкевіч. Пачатак у 14:30, судовая зала 32.

Нашы калегі знаходзіцца ў турме з 8 ліпеня 2021 года.

У той дзень затрымалі цэлую групу нашаніўцаў, тады ж адбыўся пагром у офісе, сайт быў заблакаваны.

Праваабаронцы прызналі Ягора Марціновіча і Андрэя Скурко палітзняволенымі, абвінавачванні супраць іх лічаць палітычна матываванымі. Іх вызвалення запатрабавала Беларуская асацыяцыя журналістаў і міжнародныя журналісцкія саюзы.

За 2021 год крымінальныя справы на розных падставах былі заведзеныя супраць кіраўнікоў і журналістаў і іншых незалежных СМІ, у тым ліку TUT.BY, БелаПАН, «Белсат», «Радыё Свабода».



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: