У Беларусі пачала дзейнічаць першая крыптабіржа
У Беларусі пачала дзейнічаць першая крыптабіржа. Як інфармуе партал tut.by, у Парку высокіх тэхналогій зарэгістравалі кампанію Currency.com (інвестары — VP Capital Віктара Пракапені і Larnabel Ventures Саіда Гуцэрыева). Дагэтуль крыптабіржы там не рэгістраваліся.
![pixabay.com pixabay.com](/img/v1/images/man_3126802_960_720.jpg?f=f&h=396&o=0&u=1715395350&w=528)
pixabay.com
Беларусы-уладальнікі крыптавалют цяпер могуць афіцыйна прадаваць і купляць іх на тэрыторыі нашай краіны.
Адзначаецца асаблівасць беларускага праекту — ён выпускае звыш 10 тысяч такенізаваных біржавых актываў. Пазней будзе даступна больш за 150 відаў такенаў (гэта адзінка ўліку, "замяняльнік каштоўных папер" у віртуальным свеце).
Магчымасць стварэння крыптабіржаў у Беларусі з'явілася ў 2017 годзе пасля прыняцця дэкрэта № 8 кіраўніка дзяржавы "Аб развіцці лічбавай эканомікі".
![VP Capital VP Capital](/img/v1/images/saidgucerieviprokopenya.jpg?f=f&h=396&o=0&u=1715395350&w=528)
VP Capital
Паводле euroradio.fm