У Мінск прывезлі першы цягнік метро, зроблены ў Беларусі. Фотафакт
Новы цягнік для метро прывезлі ў Мінск. TUT.BY сфатаграфаваў яго па шляху да дэпо.
Новы склад для сталічнай падземкі прыбыў у Мінск позна вечарам 1 красавіка (каля 23 гадзін). Гэта першы цягнік метро, які зрабілі ў Беларусі.
Шырыня каляіны, якая выкарыстоўваецца ў метро, такая ж, як на чыгунцы. Гэта дазволіла даставіць склад з заводу «Штадлер-Мінск» па рэйках прама да дэпо «Маскоўскае» Мінскага метрапалітэна.
Наперадзе складу — лакаматыў, да і пасля вагонаў метро — таварныя платформы (так званыя вагоны прыкрыцця).
Спачатку цягнік адагналі з завода на станцыю Фаніпаль. Адтуль ён адправіўся на станцыю Мінск-Сартавальны, а ўжо потым — у дэпо метрапалітэна ў раёне станцыі «Інстытут культуры». Тут ён спусціцца пад зямлю.
Гатовы цягнік для Мінскага метрапалітэна прэзентавалі на «Штадлер» 20 сакавіка. У першым складзе чатыры вагоны — такіх цягнікоў для сталічнай падземкі вырабяць шэсць. Акрамя таго, для Мінска зробяць яшчэ чатыры пяцівагонныя цягнікі.
За 2019 год у Мінскі метрапалітэн паставяць шэсць складаў для трэцяй лініі.
— Да моманту, калі здадуць першы ўчастак трэцяй лініі, склады ўжо павінны быць абкатаныя, машыністы павінны быць гатовыя, сфармаваныя брыгады, — распавядалі TUT.BY на заводзе «Штадлер-Мінск».
Машыністы будуць навучацца спецыяльна для новай тэхнікі. У цягніку ад «Штадлер», напрыклад, ёсць сістэма аўтакіравання, якой няма ў старых цягніках.
А вось так новы цягнік для мінскай падземкі выглядае знутры.
