За час сакавіцкіх пратэстаў амаль 200 асобаў трапілі пад пераслед
Размах судовага канвееру і прэвентыўных затрыманняў, зладжаных уладамі, уражвае.
Паводле звестак праваабарончага цэнтру «Вясна» па стане на 16 красавіка, 197 асобаў зазналі арышты, затрыманні альбо атрымалі штрафы ў сувязі з правядзеннем Маршаў недармаедаў.
Апошнія чатыры дні па ўсёй краіне разглядаецца вялікай колькасць адміністрацыйных справаў («судовы канвеер»), вынікам якіх становяцца адміністрацыйныя арышты альбо прызначэнне вялізных штрафаў.
Часам ахвярамі рэпрэсіяў становяцца людзі, якія нават не бралі ўдзел у акцыях пратэсту.