Яўген Васьковіч абавясціў галадоўку ў ізалятары
Асуджаны на 15 сутак арышту ўдзельнік мітынгу пратэсту недармаедаў у Бабруйску Яўген Васьковіч ад 16 сакавіка пачаў за кратамі галадоўку пратэсту.
Яўген Васьковіч, архіўнае фота
Пра гэта “Радыё Свабода” паведаміла жонка асуджанага Александрына.
14 сакавіка суд у Бабруйску пакараў арыштам на 15 сутак былога палітвязня Яўгена Васьковіча за ўдзел у акцыі пратэсту ў гэтым горадзе 12 сакавіка.
13 сакавіка міліцыя двойчы прыходзіла дадому да Васьковіча і двойчы сыходзіла безь яго. Першы раз міліцыянты прыйшлі без позвы, другі раз з няправільнай. Забралі толькі з трэцяга разу.