У Гомельскай вобласці колькасць беспрацоўных павялічылася, рэальная зарплата знізілася

У большасці раёнаў вобласці сярэдні заробак у студзені-маі бягучага года не дасягнуў і 5 млн рублёў.



Як паведамляе Галоўнае статычнае ўпраўленне Гомельскай вобласці, колькасць зарэгістраваных беспрацоўных на канец мая 2015 года склала 7,3 тыс. чалавек, што ў 1,7 разы больш, чым на канец мая 2014 года, і на 2,2 % менш, чым на канец красавіка 2015 г.-га. Узровень зарэгістраванага беспрацоўя на канец мая склаў 1,2 % ад эканамічна актыўнага насельніцтва (год таму было 0,7 %).

Арганізацыямі (без суб'ектаў малога прадпрымальніцтва) у траўні было прынята на працу 6,9 тыс. чалавек. Звольнена 9,4 тыс. чалавек, з іх 5,2 % — за прагул і іншыя парушэнні працоўнай дысцыпліны, 2 % — у сувязі са скарачэннем колькасці работнікаў, ліквідацыяй арганізацый.

Намінальная налічаная сярэднямесячная зарплата работнікаў Гомельскай вобласці ў студзені-маі 2015 склала 5,8 млн. рублёў. У маі ў параўнанні з красавіком сярэдняя зарплата павялічылася на 98,1 тыс. рублёў.

Рэальная заработная плата (зарплата, разлічаная з улікам росту спажывецкіх цэн на тавары і паслугі) у студзені-маі параўнанні з аналагічным перыядам мінулага года зменшылася на 5,3 %. У маі ў прамысловасці сярэдняя зарплата склала 6,7 млн. рублёў, у будаўніцтве — 7,2 млн., на транспарце і ў сферы сувязі — 7,3 млн., у сельскай і лясной гаспадарцы — 5,1 млн., у адукацыі — 4,6 млн. рублёў.

Заработная плата работнікаў аховы здароўя ў маі склалася на ўзроўні 5,2 млн. рублёў. Сярэдняя зарплата ўрачоў склала 9,1 млн. рублёў, сярэдняга медыцынскага персаналу — 5,4 млн.

Самую нізкую сярэднямесячную зарплату за студзень-май мелі жыхары Лоеўскага раёна — 4 426 737 рублёў.

У Гомелі сярэдні заробак за студзень-май склаў 6,2 млн.

Паводле БелаПАН