Упершыню ў гісторыі фанацкага руху з’явіліся тэксты гарадзенскай хакейнай падтрымкі
Аформленыя і выдадзеныя тэксты супорта хакейнага “Нёмана” за сезон 2013–2014 з’явіліся 1 красавіка. Іх можна было набыць на выездзе ў Мінск 2—3 красавіка, таксама яны будуць у продажы перад гульнёй 5 красавіка ў Гродне.
Ідэя выдаць тэксты падтрымкі з’явілася каля двух месяцаў таму, яна здзейснілася дзякуючы натхненню і крэатыву лідараў суполак vk.com/hcneman і vk.com/huberts_city_fans і фанатаў ХК Нёман (Гродна) Red Black Bears.
Сярод тэкстаў супорту ёсць і беларускамоўны:
Ты лепшы на свеце, Нёман мой родны!
Ты стаў чымпiёнам, ты ўсiх перамог!
Няма сярод нас тых, хто з гэтым нязгодны!
Яшчэ будзе шмат чэмпiёнскiх дарог!
Мой родны клуб з Гродна, з лепшага града!
Адсюль мы таксама i нашы бацькi.
Наперад, за горад чэмпiёнаў, каманда!
Наперад, сыны магутнай ракi!
Таксама да абмеркавання на будучыню дадзены чатыры беларускамоўныя тэксты ад Hubert's City Fans. Яны пакуль не выкарыстоўваюцца.
І.
О Нёман Гродна! — О Нёман Гродна!
Ты самы родны! — Ты самы родны!
Ты самы любы! — Ты самы любы!
Наш клуб народны! — Наш клуб народны!
ІІ.
Нёман гарадзенскі! — Гарадзенскі Нёман!
ІІІ.
Наперад, хлопцы! — Наперад, хлопцы!
IV.
Напе-е-ерад, Гродна! — Напе-е-ерад, Гродна!