Затрыманы Алег Рудакоў – былы кіраўнік Таварыства беларускай культуры ў Іркуцку

Сёння ў Полацкім раёне былі затрыманыя Алег Рудакоў і яго жонка Вольга. Пра гэта паведамляе «Вясна». Прычыны затрымання праваабаронцам пакуль невядомыя.

У 1996-м Алег Рудакоў стварыў і 17 гадоў узначальваў Іркуцкае таварыства беларускай культуры імя Яна Чэрскага — найбуйнейшае сярод чатырох дзясяткаў нацыянальна-культурных утварэнняў у рэгіёне і адной з самых актыўных у Расіі беларускіх суполак.

У 2014 годзе Алег Рудакоў напісаў заяву аб выхадзе са складу арганізацыі з прычыны несупадзеньня пазыцыяў з асобнымі сябрамі. Ад таго часу з’яўляўся актыўным удзельнікам моладзевай арганізацыі «Крывічы».

Апошнім часам мужчына жыў у Беларусі, у Полацкім раёне.

Беларус з Іркуцку запісаў віншаванне #100БНР на месцы, дзе раней жылі маманты

У сакавіку 2018 года, яшчэ знаходзячыся ў Іркуцку, Алег Рудакоў запісаў зварот з віншаваннем беларусаў з Днём Волі і 100-годдзем БНР.

«Мы павінны святкаваць гэты дзень. Мы павінны памятаць і шанаваць яго, дзе б мы не былі. Няхай ідэалы БНР і Дня Волі жывуць вечна. Хай жывуць так доўга, як жылі гэтыя маманты», – адзначыў Рудакоў у відэавіншаванні.

Падрабязней пра Алега Рудакова можна пачытаць у яго інтэрв’ю, якое ён даў «Новаму Часу» ў 2011 годзе.