Пластыкавы апакаліпсіс у новым кліпе IOWA

Новая кампазіцыя IOWA — пра людзей, якія асвятляюць праблемы, прымаюць рашэнні, бяруць на сябе адказнасць і робяць усё, каб выправіць праблему тут і зараз!



iowa_photo_mayaki_devochka.jpg

Гурт IOWA сёння прэзентаваў кліп на новую песню «Маякі», у якім сышліся абноўленае гучанне і пранізлівы відэашэраг пра забруджванне навакольнага асяроддзя.

Рэжысёр Уладзімір Бяседзін, які раней працаваў з гуртом над кліпам «Б’е біт», запрапанаваў зняць відэа, дзе героі з ілюзорнага свету трапляюць у рэальнасць. Мы бачым завязаныя вочы, як сімвал ружовых акуляраў, праз якія дзіцё і дарослыя глядзяць на сусвет. І што атрымліваецца, калі гэтую павязку зняць.

iowa_photo_mayaki_katia2.jpg


«Песня «Маякі» літаральна ўпала на нас у самы разгар барацьбы за Байкал. Мая падпісчыца папрасіла падпісаць петыцыю за закрыццё заводу на Байкале, чым натхніла мяне на песню пра людзей, у якіх я веру! Пра людзей, якія асвятляюць праблемы, прымаюць рашэнні, бяруць на сябе адказнасць і робяць усё, каб выправіць праблему тут і зараз!» — узгадвае Каця Іванчыкава.

 


Каб паказаць атмасферу глабальнага апакаліпсіса, у павільёне кінастудыі «Ленфільм» пабудавалі дэкарацыі экалагічнай катастрофы. Цягам трох дзён удзельнікі IOWA разам з мастаком-дэкаратарам Ксеніяй Цэль збіралі пластыкавыя пляшкі і бляшанкі па сябрах і знаёмых. А калі і гэтага апынулася недастаткова, набылі яшчэ 80 кілаграмаў смецця. Усе адходы пасля здымак наноў адсартавалі і здалі на перапрацоўку.

iowa_photo_mayaki_katia.jpg

Гэтае відэа — толькі пачатак вялікага шляху. IOWA ўжо далучыліся да ініцыятывы Greenpeace, якая мае мэтай дамагчыся забароны выкарыстання аднаразовага пластыку на заканадаўчым узроўні.

У дыска-племені IOWA на 2020 год вялікія планы. Зараз гурт працуе ў студыі над запісам новых песень, якія музыкі плануюць паказаць публіцы ўжо ў лютым.

 Паводле прэс-рэлізу