«Песні тралейбусных рагуляў»
«Будзьма беларусамі!» запрашае на сустрэчу з палітолагам і сацыялінгвістам Уладзіславам Гарбацкім, які прэзентуе свой дэбютны зборнік апавяданняў-казак «Песні тралейбусных рагуляў».
Кніга выйшла ў самым пачатку лета 2016 года ў брытанскім выдавецтве belarusians.co.uk і пакуль даступная ў Беларусі толькі ў электронным фармаце на партале kniharnia.by.
Сустрэча пройдзе 19 лістапада з 16 да 18.00 у Мінску ў культурніцкай прасторы “Тартак” (вул. Магілёўская, 2, корпус 2, 4 паверх, уваход за ТЦ “Мост”).
Уваход вольны.
Акрамя сустрэчы з аўтарам вас чакае яшчэ адзін госць – Ігар Іваноў, выдавец belarusians.co.uk (Лондан).
