У Гродне адкрылася беларуска-літоўская выстава "Паўстанне 1863 года: асобы, імёны, гісторыі"

14 лістапада у Старым замку Гродна адкрылася беларуска-літоўская выстава "Паўстанне 1863
года: асобы, імёны, гісторыі", дзе прадстаўленыя каштоўныя экспанаты з музейных збораў Літвы і Гродзенскага дзяржаўнага гісторыка-археалагічнага музея.



Як сцвярджаюць арганізатары, гэтая выстава — спроба расказаць пра паўстанне праз жыццёвыя гісторыі яго ўдзельнікаў. Выстава запрашае паблукаць па стылізаваных лабірынтах лесу, які з'яўляецца сімвалам месца, дзе разгортваліся асноўныя падзеі паўстання, дзе перакрыжаваліся чалавечыя лёсы.


Экспануюцца фотаздымкі паўстанцаў 1863 года, якія захоўваюцца ў шаўляйскім музеі "Аўшрос". Прадстаўлена зброя паўстанцаў, вырабы зняволеных і ссыльных. Унікальны экспанат — сцяг атрада паўстанцаў пад кіраўніцтвам Повіласа Шымкявічуса са збору краязнаўчага музея горада Кяльме. Прадстаўленыя кніга для імшы Missale Romanum, якая належала аднаму з кіраўнікоў паўстання Антанасу Мяцкявічусу, рукапіс успамінаў віленскага генерал-губернатара Міхаіла Мураўёва. Батальнымі сцэнамі ўражваюць малюнкі Lituania (1864—1866) і Polonia (1863) польскага мастака Артура Гротгера.
 
 
З музейнага збору ГДГАМ экспануюцца дзённік паўстанца, пячаткі паўстанцкіх арганізацый, рыштунак і ўзбраенне.
 
 
Фота Аляксандра Саенкі, БелаПАН

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: