Адвакат Ілля Салей выйшаў з СІЗА
Адвакат Ілля Салей, затрыманы па крымінальнай справе аб закліках да дзеянняў, накіраваных на прычыненне шкоды нацыянальнай бяспецы Беларусі, знаходзіцца дома. Пра гэта TUT.BY паведамілі ягоныя суседзі, інфармацыю таксама пацвердзілі інфармаваныя крыніцы.
Ілля Салей і МАрыя Калеснікава. Фота штаба Віктара Бабарыка.
Жыхары дома кажуць, што Ілля Салей прыехаў каля 19.00 пятніцы ў суправаджэнні бацькоў. Ужо пасля 23.00 у кватэру да Салею прыходзілі супрацоўнікі міліцыі. З'яўляліся яны там і ў суботу днём. Суседзі мяркуюць, што такім чынам сілавікі кантралююць, ці дома знаходзіцца Ілля.
Іллю Салея затрымалі 9 верасня па крымінальнай справе, узбуджанай па ч. 3 арт. 361 КК (Заклікі да дзеяньняў, скіраваных на шкоду знешняй бяспекі Рэспублікі Беларусь, яе суверэнітэту, тэрытарыяльнай недатыкальнасці, нацыянальнай бяспецы і абараназдольнасці). 12 верасня стала вядома, што следства абрала яму меру стрымання ў выглядзе ўтрымання пад вартай на 2 месяцы.
21 верасьня суд адхіліў скаргу абаронцаў Іллі Салея і пакінуў яго пад вартай.
Нагадаем, Ілля Салей быў сярод удзельнікаў сустрэчы з Аляксандрам Лукашэнкам, якая праходзіла ў СІЗА КДБ. Пасля гэтай сустрэчы на волю выйшлі бізнэсмэн Юры Васкрасенскі і дырэктар ІТ-кампаніі PandaDoc Дзмітрый Рабцэвіч. Васкрасенскі быў адпушчаны з СІЗА КДБ пад хатні арышт, Рабцэвіч — пад падпіску аб нявыездзе. 13 кастрычніка пад падпіску аб нявыездзе вызвалілі яшчэ двух фігурантаў справы PandaDoc — галоўнага бухгалтара Юлію Шардыко і HR Уладзіслава Міхалапа.