ЦВК назваў даты датэрміновага галасавання на рэферэндуме аб Канстытуцыі

Улады традыцыйна арганізуюць датэрміновае галасаванне перад асноўным днём рэферэндуму, на якім могуць прыняць прапанаваную Лукашэнкам рэдакцыю Канстытуцыі.


Беларусы змогуць датэрмінова прагаласаваць на рэферэндуме аб праекце Канстытуцыі, паведаміў намеснік загадчыка аддзелу прававой, аналітычнай і метадычнай работы апарату Цэнтарвыбаркама Беларусі Іван Таўкач на дзяржаўных тэлеканалах.

Паводле яго, будзе арганізавана як датэрміновае галасаванне, так і асноўны дзень волевыяўлення.

«Час такі самы — з 10:00 да 14:00 і з 16:00 да 19:00 з аўторка па суботу, і ў нядзелю — асноўны дзень галасавання. Тут нічога не мяняецца», — сказаў Таўкач.

Такім чынам, дні датэрміновага галасавання: з аўторка, 22 лютага, па суботу, 26 лютага, уключна.

Чыноўнік таксама заявіў, што на правядзенне рэферэндуму выдаткавана больш за 20 мільёнаў рублёў з бюджэту. Папярэднія вынікі канстытуцыйнага рэферэндуму будуць вядомыя да раніцы 28 лютага, а канчатковыя — у першы тыдзень сакавіка.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: