Дзярждэпартамент ЗША: адмоў у амерыканскіх візах для беларусаў стала больш

За 2023 год падвысіўся адсотак адмоваў беларусам у амерыканскай візе. Пра гэта піша «Беларусы і Рынак».

Дзярждэпартамэнт ЗША апублікаваў звесткі аб адмовах у амерыканскай візе. З заяўнікаў на амерыканскую візу, якія мелі беларускае грамадзянства, адмову атрымалі 32,8%. Годам раней адсотак адмовы быў 26,05%.

У статыстыцы Дзярждэпартамэнт ЗША ўлічвае неіміграцыйныя візы.

Тым не менш у беларусаў дастаткова нізкі адсотак адмоваў сярод краін з постсавецкай прасторы. Адсотак адмоваў грамадзянам Украіны склаў 34,29%, а Расіі — 39,49%. 

Дзясяткі і сотні тысяч: як Беларусь губляе беларусаў

У амерыканскіх візах адмаўлялі грамадзянам:

Арменіі — у 51.49% выпадкаў;

Азербайджана — у 35.99%;

Грузіі — у 49.23%;

Казахстана — у 41.93%;

Кыргызстана — у 41.54%;

Літвы — у 13.40%;

Латвіі — у 9.28%;

Малдовы — у 42.42%;

Таджыкістана — у 54.96%;

Туркменістана — у 51.10%;

Узбекістана — у 59.56%;

Эстоніі — у 16.22%;

Польшчы — у 16.47%.