Японія незадаволеная размяшчэннем на Курылах расійскай дывізіі

Міністр абароны РФ Сяргей Шайгу, выступаючы ў сераду ў Дзяржаўнай думе, заявіў, што ў гэтым годзе плануецца скончыць размяшчэнне трох дывізій на заходняй і паўднёва-заходняй мяжы, а таксама дывізіі на Курылах.

У сувязі з гэтым японскі ўрад накіраваў расійскаму боку пратэст з нагоды гэтага рашэння.
«Гэта ідзе насуперак з пазіцыяй нашай дзяржавы», — заявіў у паведамленні генеральны сакратар японскага ўрада Ёсіхідэ Суга.
Японія прэтэндуе на паўднёвыя выспы Курыльскай грады — Ітуруп, Кунашыр, Шыкатан і архіпелаг Хабамаі. Перадачу ёй гэтых выспаў Японія паставіла умовай заключэння мірнай дамовы з Расіяй, якая пасля заканчэння Другой Сусветнай вайны так і не была падпісаная.
Паводле belnovosti.by