КДБ Беларусі
У Гродне супрацоўнікі КДБ забілі замежнага грамадзяніна — нібыта ён аказаў супраціў, паведамляе БелТА.
«У ходзе правядзення спецыяльных мерапрыемстваў па спыненні дзейнасці асоб, якія праніклі на тэрыторыю Рэспублікі Беларусь з мэтай здзяйснення тэрарыстычнай акцыі, 19 сакавіка 2023 года ў Гродне на вул. Курчатава ліквідаваны замежны грамадзянін Л. Гэтая асоба з выкарыстаннем аўтаматычнай зброі і шляхам падрыву баявых гранат аказала ўзброены супраціў байцам спецпадраздзялення КДБ, група "А"», — прыводзіць БелТА словы КДБ.
Паводле гэтага факту следчым упраўленнем КДБ распачатая крымінальная справа.
Раней тэлеграм-каналы паведамлялі пра гукі стральбы.
«У Гродне на вуліцы Курчатава і Урублеўскага нейкі час таму былі выбухі ці стрэлы. Цяпер ля падʼезда дома міліцыянеры, якія загрузілі ў машыну чалавека», — так апісаў сітуацыю падпісчык «Маёй кр*іны Беларусі», які даслаў відэа некалькі гадзін таму.
Цяпер БелТА паведаміла пра забойства замежнага грамадзяніна супрацоўнікамі КДБ. Паводле агенцтва, той аказаў супраціў.
Пазней стала вядома, што да службовага дома Уладзіміра Караніка ў Гродне на вуліцы Свярдлова прыехала міліцыя, службы размінавання з сабакамі. З гэтага можна меркаваць аб «мініраванні» дома чыноўніка.
Тэлеграм-канал @Grodno_grab пазней удакладніў, што па адрасе Курчатава, 5 з «выбухамі і стрэламі» адбываюцца затрыманні. Заўважаныя каля 10 супрацоўнікаў міліцыі і бусік.
Пазней стала вядома, што да службовага дома Уладзіміра Караніка ў Гродне на вуліцы Свярдлова прыехала міліцыя, службы размінавання з сабакамі. З гэтага можна меркаваць аб «мініраванні» дома чыноўніка.
Гэта раён Гродна, дзе размяшчаецца жытло для высокапастаўленых чыноўнікаў.
Каранік — старшыня так званага аблвыканкама і былы міністр аховы здароўя, пры якім разгортвалася смяротная пандэмія Covid-19 у Беларусі.
Каранік — старшыня так званага аблвыканкама і былы міністр аховы здароўя, пры якім разгортвалася смяротная пандэмія Covid-19 у Беларусі.
