Лекарам і медсёстрам Калеснікавай пагражалі крыміналкай і шасцю гадамі

Пакуль Марыя Калеснікава застаецца ў гомельскім шпіталі, а мы не ведаем дакладна, што з ёй адбываецца, лекарам і іншым супрацоўнікам пагражаюць крымінальным пераследам за распаўсюджанне інфармацыі.
Фота Паўла Хадзінскага

Фота Паўла Хадзінскага

На раніцу 5 снежня Марыя Калеснікава застаецца пакуль у хірургічным аддзяленні шпіталя хуткай дапамогі ў Гомелі.

Паводле крыніц «Радыё Св*боды», з лекараў, медсясцёр і санітарак хірургічнага аддзялення ўзялі падпіску аб невыдаванні інфармацыі.

«Хоць і так медыкі не маюць права казаць староннім асобам пра стан здароўя любога хворага. Гэта ж лекарская тайна, ёсць адпаведны артыкул у крымінальным заканадаўстве. Тут жа яшчэ і пагражалі пакараннем да шасці гадоў турмы. Не казалі, паводле якога артыкула», — паведаміла крыніца «Св*боды».

Нагадаем, увечары 29 лістапада з'явілася інфармацыя, што Марыя Калеснікава, якая адбывае пакаранне ў гомельскай жаночай калоніі, трапіла ў рэанімацыю шпіталя хуткай дапамогі. Яна перанесла аперацыю. Пра стан палітзняволенай нічога невядома.

«Яна і цяпер у рэанімацыі хірургічнага аддзялення, у цяжкім стане. У палату яе пакуль не перавялі. Калеснікаву ахоўваюць трое. Двое ўнутры палаты і адзін, з аўтаматам, звонку, каля дзвярэй», — паведаміла крыніца «Св*боды».


Суразмоўца зазначае, што ў шпіталі «ўсе на вушах» і ніхто не будзе даваць аніякіх каментароў. Для пацыентаў-вязняў, якія паступаюць у гомельскі шпіталь хуткай дапамогі, размешчаны ў самым цэнтры Гомеля ля гарадскога парку, ёсць у хірургіі адмысловая палата з кратамі і месцам для канвойных.

Нагадаем, чальца Каардынацыйнай рады Марыю Калеснікаву раніцай 7 верасня 2020 года каля Нацыянальнага мастацкага музея невядомыя людзі пасадзілі ў мікрааўтобус з надпісам «Сувязь» і павезлі ў невядомым кірунку.

6 верасня 2021 года ёй прысудзілі 11 гадоў зняволення.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: