«Нават нейкі вонкавы палітэс не жадаюць захоўваць»

Валер Карбалевіч пракаментаваў прызначэнне Міхаіла Мясніковіча на пасаду старшыні Савета Рэспублікі.



«Афіцыйныя СМІ ўжо паведамілі, што Міхаіл Мясніковіч будзе прызначаны старшынёй Савета Рэспублікі. Фармальна ж гэта верхняя палата парламента  незалежны орган улады. Незалежны ад прэзідэнта і выканаўчай улады. Кіраўніцтва там выбарнае. Нават нейкі вонкавы палітэс не жадаюць захоўваць.
 
 
Не менш цікавай выглядае ракіроўка старшыняў наглядальных саветаў «БелВЭБ» і «БПС-Ашчадбанка». Іх кіраўнікі Павел Калаур і Васіль Мацюшэўскі сталі адпаведна старшынёй праўлення Нацбанка і першым віцэ-прэм'ерам. А на іх месца прызначаны адпаведна Надзея Ермакова і Пётр Пракаповіч.
 
 
Здавалася б, нічога дзіўнага, звычайная практыка. Аднак ёсць адзін важны нюанс. Справа ў тым, што «БелВЭБ» «БПС-Сбербанк»  расійскія банкі. Напрыклад, 99,27% «БПС-Ашчадбанка» належыць расійскаму дзяржаўнаму «Сбербанку». Так што, аказваецца, што на тэрыторыі Беларусі любая замежная ўласнасць  гэта фікцыя?»,  адзначыў у блогу на Радыё Свабода Валер Карбалевіч.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: