Трох з сямі чальцоў Прэзідыума Каардынацыйнай рады выклікалі ў Следчы камітэт

Чальца Каардынацыйнай рады, прадстаўніка страйкавага камітэта Мінскага трактарнага завода Сяргея Дылеўскага выклікалі на допыт у Следчы камітэт.



Фота: rada.vision

Як удакладніў «Інтэрфаксу» чалец Прэзідыума Каардынацыйнай рады Павел Латушка, Дылеўскі мае статус сведкі па крымінальнай справе, якое было распачата з-за стварэння КС.

Як удакладняе Onliner.by, самога Латушку таксама выклікалі ў СК.

Днём 20 жніўня стала вядома, што ў СК выкліканы яшчэ адзін чалец Прэзідыума КС, юрыст Максім Знак.

Крымінальная справа з-за стварэння КР апазіцыі была распачатая 20 жніўня. Яна расследуецца паводле артыкула 361 Крымінальнага кодэкса Беларусі (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь). Яна прадугледжвае да пяці гадоў пазбаўлення волі.

Усяго ў прэзідыуме Каардынацыйнай рады апазіцыі сем чалавек. Акрамя тых, каго выклікалі ў СК, гэта пісьменніца Святлана Алексіевіч, юрыст Лілія Уласава, давераная асоба Святланы Ціханоўскай Вольга Кавалькова, кіраўніца штаба Віктара Бабарыка Марыя Калеснікава.

КР заяўляе, што не прэтэндуе на ўладныя паўнамоцтвы, а толькі плануе шукаць шляхі для пераадолення крызісу ў краіне. У рэзалюцыі рады ўтрымліваюцца патрабаванні вызваліць палітвязняў, спыніць гвалт і правесці сумленныя выбары.

Паводле meduza.io


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: