Вярхоўны суд прызнаў законнай нерэгістрацыю Партыі БХД

Вярхоўны суд 18 красавіка ў шосты раз адмовіў у рэгістрацыі Партыі «Беларуская хрысціянская дэмакратыя», прызнаўшы законнай адмову ў рэгістрацыі ПБХД Мінюстам.

Разам з грамадскімі арганізацыямі агульная колькасць адмоў у спробе легалізацыі хрысціянскіх дэмакратаў у Беларусі ўжо перакрочыла другі дзясятак.

Па словах адказнага сакратара Дзяніса Садоўскага, які прадстаўляў БХД на судовых пасяджэннях, адмова ў рэгістрацыі была абсалютна прадказальная.
“БХД працягвае сваю дзейнасць. Відаць, толькі пры змене ўлады ў Беларусі, хрысціянскія дэмакраты ў краіне будуць зарэгістраваныя”, — заявіў ён у каментары прэсавай службе БХД.

bchd.info