Вялікабрытанія назвала ўмовы ўдзелу ў спаборніцтвах спартсменаў з Беларусі

Вялікабрытанія агучыла ўмовы ўдзелу ў індывідуальных спаборніцтвах спартсменаў з Беларусі і Расіі на сваёй тэрыторыі. Яны павінны даказаць, што «з'яўляюцца незалежнымі і нейтральнымі», заявіў міністр спорту Вялікабрытаніі Найджэл Хадлстан.

Паводле яго слоў, міністэрства хацела б «атрымаць пісьмовае пацверджанне, што яны не атрымліваюць грошы ад Пуціна, Расіі ці Беларусі» — не маюць дзяржаўнага фінансавання. Але гэта яшчэ не ўсё. Спартсмены павінны гарантаваць, што «не будуць выказвацца ў падтрымку Пуціна, Расіі ці Беларусі».

Гэта будзе датычыць і ўдзелу тэнісістаў ва Уімблдоне — адным з самых прэстыжных спаборніцтваў у гэтым відзе спорту.

У той жа час міністэрства спорту Вялікабрытаніі зусім не супраць, калі нейкія віды спорту ці арганізацыі вырашаць увогуле забараніць удзел для беларускіх і расійскіх спартсменаў.

Паводле «Еўрарадыё».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: