Беларусы Амерыкі прынялі ўдзел у Маршы жанчын на Вашынгтон

21 студзеня беларусы Амерыкі прынялі ўдзел у Маршы жанчын на Вашынгтон, які стаў самым масавым пратэстам у гісторыі ЗША. Больш за палову мільёна чалавек прынялі ўдзел у маршы.

Пратэст падтрымалі знакамітыя палітыкі і зоркі шоў-бізнесу, сярод якіх варта адзначыць былога дзяржсакратара Джона Кэры, легендарную актывістку руху за грамадзянскія правы Анжэлу Дэвіс, Мадону, Шэр, Скарлет Ёхансан (у якой, дарэчы, беларускія карані), Джэйн Фонду, Наталі Портман і Дру Бэрымор. Пратэсты прайшлі ў многіх гарадах ЗША, у якіх у агулам прынялі ўдзел мільёны амерыканцаў.

«Палітыка сяброўства новай адміністрацыі з пуцінскім рэжымам выклікае сур'ёзныя асцярогі для будучыні незалежнай Беларусі. Кандыдат на пасаду новага дзяржсакратара ЗША мультымільярдэрам Рэкс Тылерсан наўпрост зацікаўлены ў новай «перазагрузцы», якая прадказвае яму мільярды ў пагадненні з «Роснефть». У мяне няма ніякіх сумненняў у тым, што эканамічныя і палітычныя санкцыі супраць Расіі будуць знятыя ў найбліжэйшай будучыні, што прадаставіць Расіі поўную свабоду дзеянняў у зоне яе ўплыву. Беларусаў Амерыкі хвалюе не толькі тое, як можа змяніцца іх становішча пры адміністрацыі Трампа, але і тое, як гэта адаб'ецца на будучыні роднай Беларусі», — заявіў старшыня Вашынгтонскага аддзялення Беларуска-Амэрыканскага Задзіночаньня (БАЗА).

На пратэсце ў Вашынгтоне беларусаў падтрымалі іх калегі-амерыканцы.
«Як і большасць амерыканцаў, мяне хвалюе тое, як зменіцца знешняя палітыка ЗША, і не толькі ў дачыненні да Ірана, Кітая і Расіі, але і Беларусі, дзе ў мяне шмат сяброў. Я ўдзельнічаю ў маршы ў тым ліку і ў знак салідарнасці з беларусамі», — заявіла Кім Манілі, якая адмыслова прыехала на марш з Пікіпсі (штат Нью-Йорк).