Кіраўнік украінскай разведкі: Да канца года баі знізяцца да нуля, Украіна вернецца да межаў 1991 года

Падзеі, якія адзначаць пераломны момант у вайне супраць Расіі, чакаюцца ўжо на пачатку жніўня. Баявыя дзеянні да канца года знізяцца да мінімуму. Аб гэтым паведаміў начальнік Галоўнага ўпраўлення разведкі Міністэрства абароны Украіны Кірыл Буданаў у інтэрв'ю брытанскаму вяшчальніку «ITV news».

«Украіна вернецца да межаў 1991 года, і мы не разглядаем ніякіх іншых сцэнарыяў. Да канца года актыўныя баявыя дзеянні знізяцца практычна да нуля. Мы адновім кантроль над сваімі тэрыторыямі ўжо ў агляднай будучыні», — гаворыцца ў паведамленні.

Пры гэтым Буданаў упэўнены, што расіяне не будуць мець поспеху ў вайне супраць Украіны.

«Гэта трагедыя, да якой Пуцін прывёў Расію і Украіну, і гэта скончыцца катастрофай для Расіі. Нічога іншага», — падсумаваў Буданаў.

Паводле unian.net.