Украінскія вайскоўцы адступілі з Севераданецка. Горад акупавала расійская армія

Расійскія войскі цалкам акупавалі Севераданецк, паведамляе мэр горада Аляксандр Стрык. Паводле яго інфармацыі, украінскія вайскоўцы адышлі на больш падрыхтаваныя пазіцыі.

Ён распавёў, што расійскі бок прызначыў так званага «каменданта» горада, які спрабуе сабраць нейкі «актыў». Выехаць з горада можна будзе толькі ў бок акупаванай Расіяй тэрыторыі.

Па яго словах, людзі, якія хаваліся больш за тры месяцы на тэрыторыі «Азоту», часткова выходзяць, з іх удзелам здымаюцца прапагандысцкія ролікі.

Ён адзначыў, што Украіна з-за баёў не можа перадаць гуманітарную дапамогу, але ў мясцовай бальніцы быў зроблены запас медыкаментаў.

Паводле reform.by.