Кіраўнік Еўрапарламента абвінаваціў урад Польшчы ў пуцінізацыі

Варшава выбудоўвае сваю новую палітыку на расійскі ўзор, заявіў старшыня Еўрапарламента Марцін Шульц у інтэрв'ю "Frankfurter Allgemeine Sonntagszeitung".



Марцін Шульц

Палітыка новага ўрада Польшчы будуецца на расійскі ўзор, лічыць старшыня Еўрапарламента Марцін Шульц. Улады ў Варшаве "разглядаюць сваю перамогу на выбарах у якасці мандата на падпарадкаванне дзяржаўнага дабрабыту волі партыі, што перамагла", цытуе выказванне Шульца ў нядзелю, 10 студзеня, газета "Frankfurter Allgemeine Sonntagszeitung".

Па словах Шульца, тое, што адбываецца ў Польшчы, — гэта "кіраваная дэмакратыя ў стылі Пуціна, небяспечная пуцінізацыя еўрапейскай палітыкі". Цяпер увесь дэмакратычны палітычны спектр "ад левых да правых мог бы дакладна заявіць, што такая палітыка супярэчыць базавым еўрапейскім каштоўнасцям", адзначыў Шульц, кажучы аб падрыхтоўцы пленарнага пасяджэнні Еўрапарламента па бягучай сітуацыі ў Польшчы, запланаваным на 19 студзеня.

У сваю чаргу, паралелі паміж польскай і расійскай палітыкай таксама правяла былая камісар ЕС па пытаннях юстыцыі, фундаментальных правах і грамадзянстве, а цяпер дэпутат Еўрапарламента Вівіан Рэдынг. "Атака на прававую дзяржаву заўсёды пачынаецца з атакі на канстытуцыйны суд. Затым ідзе атака на СМІ, спачатку на грамадскія, затым на прыватныя. Гэта логіка Пуціна, Орбана, Качыньскага", — прыводзіць газета меркаванне Рэдынг.

Паводле www.dw.com