Крэмль адмовіўся выводзіць войскі з Прыднястроўя

Улады Расіі адхілілі прапанову Малдовы абмеркаваць вывад расійскіх войскаў з Прыднястроўя на сесіі Генасамблеі ААН у верасні.

У Расіі адрэагавалі на просьбу Малдовы вывесці войскі з Прыднястроўя. Пра гэта паведамляе Руская служба “Радыё Свабода”.

Пастаянны прадстаўнік Расіі пры ААН Васіль Небензя назваў гэтую ініцыятыву "не надта сяброўскай і даволі нечаканай".

Нагадаем, 2 мая Малдова прызнала Прыднястроўе акупаванай тэрыторыяй. А парламент Малдовы ў ліпені прыняў заяву пра вывад расійскіх войскаў з Прыднястроўя.

Канстытуцыйны суд Малдовы прызнаў неканстытуцыйным знаходжанне расійскіх салдат на тэрыторыі прыднястроўскага рэгіёну рэспублікі.

Прыднястроўе, дзе пражывае пераважна рускамоўнае насельніцтва, абвясціла незалежнасць ад Малдавіі ў 1990 годзе. Міжнародная супольнасць лічыць так званую Прыднястроўскую рэспубліку часткай Малдавіі. Расія ж тлумачыць прысутнасць войскаў у Прыднястроўі "міратворчай аперацыяй".