МЗС Канады: Расія можа нас дэстабілізаваць

Міністр замежных спраў Канады папярэдзіла, што Расія можа прыкласці намаганні, каб дэстабілізаваць сітуацыю ў краіне.

Канада павінна быць гатовая, што Расія паспрабуе дэстабілізаваць палітычную сістэму краіны, паведамляе Корреспондент.net. 
Пра магчымую дэстабілізацыю з боку Расіі заявіла кіраўнік МЗС Канады Хрыста Фрыланд, перадае Reuters.
"Гэта агульнавядома, што былі намаганні, паводле інфармацыі разведвальных сіл ЗША, з боку Расіі па дэстабілізацыі палітычнай сістэмы ЗША. Думаю, што канадцы і, вядома, іншыя заходнія краіны павінны быць гатовыя да аналагічных намаганняў, накіраваных супраць іх", — заявіла Фрыланд.
Раней амбасада Расіі ў Канадзе раскрытыкавала рашэнне краіны падоўжыць ваенную місію ва Украіне яшчэ на два гады і назвала гэта рашэнне “контрпрадуктыўным”. Нагадаем, у 2015 годзе Канада скіравала 200 вайскоўцаў, якія павінны былі займацца навучаннем украінскай арміі.