МЗС: На пасольства Беларусі ў Лондане ўчынены напад, пацярпеў беларускі дыпламат

Міністэрства замежных спраў Беларусі заявіла аб нападзе на пасольства краіны ў Лондане, паведамляецца, што пацярпеў беларускі дыпламат.
Пасольства Беларусі ў Лондане

Пасольства Беларусі ў Лондане

Паводле інфармацыі прэс-службы МЗС, увечары 19 снежня ўчынены напад на пасольства Беларусі ў Лондане.

"Спачатку групай асоб быў сапсаваны фасад будынка замежнай установы, а затым фізічна атакаваны беларускія дыпламаты, якія прыбылі на месца, аднаму з іх зламалі нос", — адзначылі ў ведамстве.

Медыкі дыягнаставалі ў дыпламата пералом носа, страсенне мазгоў лёгкай ступені і траўматычны пералом зуба.

"Пасля прыбыцця праваахоўных органаў радыкаламі была зроблена спроба ўцячы з месца здарэння. Тым не менш, частка тых, хто нападаў, была затрымана дыпламатычнай паліцыяй Лондана. Устаноўлена, што асобы, як мяркуецца, уваходзяць у радыкальную эмігранцкую групоўку "Надзея", — расказалі ў МЗС.

"Гэтая спроба расправы, учыненая ў адносінах да асоб, якія па абавязку сваёй службы абараняюць інтарэсы беларускіх грамадзян і працуюць над паляпшэннем міждзяржаўных адносін, яшчэ раз красамоўна дэманструе сапраўднае аблічча і метады дзеянняў фанатыкаў, якіх шэраг краін калектыўнага Захаду ўпарта спрабуе выдаваць за мірных пратэстоўцаў", — лічаць у ведамстве.

У МЗС быў выкліканы часовы павераны ў справах Вялікабрытаніі, якому заяўлены рашучы пратэст з патрабаваннем аб правядзенні ўважлівага расследавання інцыдэнту, прыцягненні да адказнасці вінаватых асоб, а таксама інфармаванні беларускага боку аб ходзе правядзення працэсуальных дзеянняў і іх выніках.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: