На думку Міхніка, ПіС можа пачаць страляць у палякаў

Калі будзе Майдан, «Права і Справядлівасць» пачне страляць у палякаў. Так лічыць былы дысідэнт і дзеяч польскай апазіцыі 1968–1989 гадоў, рэдактар «Gazeta Wyborcza».


Партал «niezależna.pl» прыводзіць фрагменты інтэрв'ю галоўнага рэдактара выдання «Gazeta Wyborcza» Адама Міхніка львоўскай газеце «Высокі замак».
"Тое, што цяпер робіць ПіС, — гэта вяртанне Польскай Народнай Рэспублікі. Яны навучыліся гэтаму ў ПНР. Мяркуюць, што калі ў партыі ёсць улада, то ніхто не мае права гэтай улады абмяжоўваць. У гэтым сэнсе яны вельмі савецкія", — кажа Міхнік.
"Еўрапейскі саюз патрабуе шанаваць прынцыпы дэмакратыі. А польская ўлада хацела б браць грошы з ЕС, і рабіць тое, што хоча. Гэта расійская канцэпцыя суверэннай дэмакратыі, аўтарам якой з'яўляецца Пуцін. Яны кажуць «Польшча ўстае з кален». Гэта цытата слоў Пуціна. Улада ПіС — гэта пуцінізм па-польску. Пуцін таксама не адразу закручваў гайкі, гэта быў доўгі працэс, гадамі ішоў малымі крокамі. У ПіС стабільная падтрымка на ўзроўні каля 30%, яна не расце. Але расце колькасць праціўнікаў. Невядома, як далёка яны пойдуць. Аднак, калі ўлада карыстаецца брутальнай і абсурднай палітыкай, то можа скончыцца Майданам. Я б гэтага не выключаў, — адзначае Міхнік. — Ва Украіне таксама ніхто не прадбачваў Майдану. Калі б у Польшчы быў Майдан, то, на маю думку, улады скарыстаюцца сілавым варыянтам, будуць страляць", — пужае замежных журналістаў кіраўнік "Gazeta Wyborcza".
Ці тое, што «Выборчая» страціла багатыя кантракты на рэклямы з органаў дзяржаўнай адміністрацыі пасля змены ўладаў, было на столькі балючым, каб казаць такія глупствы? — коратка каментуе партал «niezależna.pl».

www.radyjo.net