Па Украіне пракацілася хваля мініраванняў аэрапортаў

Тэлефонныя тэрарысты атакавалі 10 украінскіх аэрапортаў. Невядомы паведаміў аб закладзеных бомбах ў дзесяці аэрапортах. Паліцыя не знайшла слядоў выбухоўкі ў большасці аэрапортаў

На Украіне «замінавалі» аэрапорты Адэсы, Херсона, Харкава, Запарожжа і іншых гарадоў, але ні ў адным з іх бомбу не знайшлі. Напярэдадні ў Кіеве паступалі званкі пра бомбы на станцыях метро.

Праваахоўнікі правяраюць інфармацыю невядомага, які паведаміў пра мініраванне аэрапортаў у дзесяці гарадах Украіны. Пра гэта распавёў спікер Нацпаліцыі Украіны Яраслаў Тракала.

"Па большасці аэрапортаў інфармацыя пра нібыта мініраванні праверана і не пацверджаная. Частка аэрапортаў яшчэ правяраецца", — сказаў ён.

Пры гэтым Тракала не канкрэтызаваў, якія менавіта аэрапорты яшчэ правяраюцца.

Пасля званку ад невядомага аб мініраванні аэрапорту ў Запарожжы, адтуль эвакуіравалі персанал і пасажыраў — усяго каля 700 чалавек. На месца выехалі аператыўная група, кінолагі, выбухатэхнікі, лекары і супрацоўнікі Службы бяспекі Украіны. Правялі праверку, але бомбу не знайшлі. Пасля гэтага работа аэрапорта аднавілася.

Па дадзеных агенцтва УНН, з аэрапорта Харкава эвакуявалі 200 чалавек, з Чарнаўцоў — 30 чалавек, у Вінніцы эвакуіравалі 30 супрацоўнікаў аэрапорта, а ў Ужгарадзе эвакуацыя не праводзілася.

Праваахоўнікі Украіны вырашаюць пытанне аб узбуджэнне справы па артыкуле пра заведама ілжывае паведамленне пра пагрозу бяспекі грамадзян, пакаранне па якім — да шасці гадоў пазбаўлення волі.

Улады ўсталёўваюць асобы тых, хто тэлефанаваў.

 У пятніцу, 10 лістапада, у паліцыю Украіны паступіла паведамленне аб мініраванні аэрапортаў у Адэсе, Запорожжы, Чарнаўцах, Вінніцы, Івана-Франкоўску, Роўна, Харкаве, Дняпры і Херсоне.

Паводле РБК, Korrespondent.net