Суд РФ адмовіўся адпусціць Грыба пад хатні арышт
Расійскі суд у Краснадары не захацеў змяніць меру стрымання выкрадзенаму ў Беларусі украінцу Паўлу Грыбу з утрымання ў СІЗА на хатні арышт.
Фота: Максім Марозаў, «Камерсант»
"Суд у Краснадары адхіліў хадайніцтва аб змене меры стрымання украінцу Паўлу Грыбу з утрымання ў СІЗА на хатні арышт", — паведаміў начальнік упраўлення консульскага забеспячэння Дэпартамента консульскай службы МЗС Васіль Кірыліч "Украінскай праўдзе".
"Пры гэтым Генконсульства Украіны ў Растове-на-Доне выступіла гарантам аплаты арэнды памяшкання Грыбу ў Краснадары", — дадаў ён.
Кірыліч назваў вынік прагназаваным і дадаў, што рашэнне было загадзя падрыхтаваным, а судовае пасяджэнне адбылося "імгненна".
"Гэта сцэнар, апрабаваны адносна ўкраінцаў, асуджаных па палітычных матывах", — дадаў ён.
"Разбіральніцтва спраў па ўкраінцах у расійскіх судах сведчаць, што права адсутнічае, затое бязмежная сіла палітычнай мэтазгоднасці і жорсткасці", — адзначыў Кірыліч.
Ён падкрэсліў, што МЗС і ў далейшым мае намер прымяняць "усе магчымыя меры дыпламатычнага ціску на РФ з прыцягненнем партнёраў, міжнародных арганізацый і праваабарончых арганізацый для вызвалення незаконна затрыманых і асуджаных па палітычных матывах украінцаў".