Першы рэйс цягніка «чатырох сталіц» сустракалі з аркестрам

У сталіцу Латвіі прыбыў першы рэйс украінскага цягніка «чатырох сталіц», які ехаў з Кіева ў Мінск, далей у Вільню і да канчатковай кропкі — Рыгі.

На вакзал Рыгі цягнік прыбыў у 9:06 раніцы 29 верасня. Сустракалі цягнік з аркестрам у Вільні і Рызе, перадае карэспандэнт Грамадскага.

Прадстаўнік чыгуначнай кампаніі Латвіі адзначыў, што праект па запуску цягніка праз чатыры дзяржавы для Еўропы ўнікальны.
Па словах пасажыраў, мытні праходзілі хутка і незаўважна.

У цягніка няма плацкарта, ёсць 9 купэйных вагонаў і 1 спальны вагон першага класа.

Цягнік будзе курсіраваць штотыдзень, а са снежня гэтага года — праз дзень. Таксама ў Укрзалізніцы мяркуюць, што з новага года рэйсы зробяць штодзённымі.